மைத்திரிக்கு அடுத்த அடி!

“ ஏதேச்சதிகாரமாகவே நாம் பதவிகளில் இருந்து நீக்கப்பட்டுள்ளோம். எனவே, கட்சி தலைவரின் முடிவை சட்டரீதியாக நீதிமன்றத்தில் சவாலுக்குட்படுத்துவோம்.”

-இவ்வாறு அமைச்சர் மஹிந்த அமரவீர, இராஜாங்க அமைச்சர் லசந்த அழகியவன்ன, நாடாளுமன்ற உறுப்பினர் துமிந்த திஸாநாயக்க ஆகியோர் கூட்டாக அறிவித்துள்ளார்.

சுதந்திரக்கட்சியின் பதவிகளில் இருந்து இவர்கள் மூவரும் நீக்கப்பட்டுள்ள நிலையில் கூட்டாக ஊடக சந்திப்பொன்றை நடத்தி அது தொடர்பில் கருத்து வெளியிட்டனர்.

“ விசேட கூட்டம் என்றே கூறப்பட்டது. நிறைவேற்றுக்குழுவோ, மத்தியக்குழுவோ கூட்டப்படவில்லை. எனவே, நாம் பதவிகளில் இருந்து நீக்கப்பட்டமை ஏற்புடையது அல்ல. கருத்துகளை முன்வைப்பதற்கு எமக்கு வாய்ப்பு வழங்கப்படவில்லை.

நிமல் சிறிபாலடி சில்வா தொடர்பிலும் இவ்வாறு தீர்மானமொன்று எடுக்கப்பட்டது. ஆனால் அவர் நீதிமன்றம் சென்று நீதியை பெற்றார். நாமும் நீதிமன்றத்தை நாடுவோம்.

மைத்திரிபால சிறிசேன அண்மைய நாட்களில் மனக்கவலையில் இருப்பது புரிகின்றது. நாம் கட்சியில்தான் இருக்கின்றோம். உறுப்புரிமை நீக்கப்படவில்லை. சுதந்திரக்கட்சி என்பது தனி நபருக்குரிய சொத்து அல்ல.” – எனவும் அவர்கள் குறிப்பிட்டுள்ளனர்.

Leave a Reply

Your email address will not be published. Required fields are marked *